გაკვეთილის გეგმა "ჩვენი საქართველოში"

გაკვეთილის მთავარი თემა:	სტუმართმასპინძლობა
სწავლების საფეხური	V კლასი
მოსწავლეთა პროფილი	8 მოსწავლე
გაკვეთილის მნიშვნელობა / აქტუალობა
გაკვეთილის მიზნები და შედეგები	მიზანი: მოსწავლე გაეცნოს საქ-ოს სხვადასხვა კუთხისათვის დამახასიათებელ სტუმართმასპინძლობის წესებსა და ტრადიციებს, შეადაროს ერთმანეთს და პარალელები გაავლოს მათ შორის. განასხვავოს ქართულ ტრადიციებზე დასავლური ან აღმოსავლური კულტურის გავლენა.გაეცნოს აფხაზური სტუმართმასპინძლობის თავისებურებებს. შედეგები . საზ. მეც.v.22. მოსწავლეს შეუძლია აღწეროს საქ-ოს მოსახლეობის კულტურათა მსგავსება-განსხვავების გამოვლინებები და განიხილოს შესაბამისი მიზეზები. ინდიკატორები            ადარებს საქ-ოს ისტორიული მხარეებისთვის დამახასიათებელ წეს-ჩვეულებებს.  შედეგები. საზ. მეც. V .21. მოსწავლეს შეუძლია განასხვავოს კულტურის სხვადასხვა კომპონენტები და განიხილოს მათი ურთიერთკავშირი. ინდიკატორები            განასხვავებს ქართულ კულტურაზე დასავლური ან აღმოსავლური კულტურის გავლენას.
წინასწარი ცოდნა	იციან ტრადიციის რაობა და მისი მნიშვნელობა ქართველი ხალხის ყოფა-ცხოვრებაში.
შეფასების საგანი და პროცედურები	განმსაზღვრელი. საკლასო მუშაობის სქემის მიხედვით.  .
სასწავლო მასალა დატექნიკური რესურსები	მე-5 კლასის სახელმძღვანელო ჩვენი საქართველო. (მზია სურგულაძე, ნინო მინდაძე, ვაჟა ნეიძე, კობა ხარაძე ) დაფა, ცარცი,
გაკვეთილის მსვლელობა/საკლასო მენეჯმენტი	აქტივობა N 1 განვლილი მასალის ახალთან დაკავშირება კითხვებზე-პასუხით. 1.რას ნიშნავს სიტყვა ტრადიცია? 2.რა გავლენას ახდენს ტრადიციებზე დრო? 3.რა როლს ასრულებს ტრადიციები ქართველი ხალხის ცხოვრებაში? 4.რომელ ქართულ ტრადიციებს  შეაფასებდით დადებითად ან უარყოფითად? რატომ ?  აქტივობაN 2 ახალი გაკვეთილის თემის გაცნობა და მასწავლებლის მინი ლექცია. ტრადიციები შეიძლება იყოს დადებითი ან უარყოფითი. დადებითი ტრადიციები ხელს უწყობს საზოგადოების წინსვლას,მეორე კი აფერხებს მას. სტუმართმასპინძლობა საქ-ოს ერთ-ერთი უძველესი ტრადიციაა. ქართველები ოდითგან განთქმულები იყვნენ სტუმართმოყვარეობით და სტუმართმასპინძლობაც საუკეთესო იცოდნენ. გამოთქმა -,,სტუმარი ღვთისაა“ საქართველოში სტუმრისადმი დამოკიდებულებას კარგად გამოხატავს. ამ გამოთქმას ქრისტიანული არსით ხსნიან და უქონელისა და უპოვარის მიღება-გამასპინძლებაში ღვთაებრივი სტუმრის პატივისცემას გულისხმობენ. სტუმარი უწინ მხოლოდ უცხოს, შორიდან მოსულს გულისხმობდა. მოგვიანებით მან ახალი მნიშვნელობაც შეიძინა და საერთოდ იგი ოჯახში მოსულ,წვეულ ადამიანს აღნიშნავს. აქტივობაN 3 ჯგუფებში მუშაობა პირველი ჯგუფი მოამზადებს პრეზენტაციას თემაზე როგორი დამოკიდებულება არსებობდა სტუმრისადმი საქ-ოს სხვადასხვა კუთხეებში. მეორე ჯგუფი მოამზადებს პრეზენტაციას თემაზე ,,აფხაზური სტუმართმასპინძლობის წესები“ აქტივობაN 4 პრეზენტაცია ჯგუფები წარმოადგენენ  თავიანთ ნამუშევარს.   აქტივობაN 5 თემის შეჯამება მოსწავლეები გამოხატავენ გაკვეთილზე მიღებულ შთაბეჭდილებებს. აქტივობაN 6  საშინაო დავალების მიცემა. (გვ. 203 N 4 )